معلومات هامه عن الروت و اهم مميزاته واضراره لن تخبرك بها جوجل ابدا
تحدثنا فى المواضيع السابقة عن اهم التعريفات الرئيسيه الموجوده فى انظمه التشغيل Android و اتكلمنا عن اهم الاصدارات القديمه والجديده الى موجوده فى نظام التشغيل….
اليوم سنتحدث عن نقطه مهمه جدا تهم اصحاب الموبايلات والاجهزه المحموله الى بتحتوى على نظام التشغيل Android
هنتكلم عن الROOT
ما هو الرووت؟
ترجمتها باللغه العربيه يعنى الجذر .. يعنى الاساسيات الموجوده فى نظام التشغيل الى مينفعش نشوفها او نتحكم فيها و ده لان الشركه المتحكمه فى نظام التشغيل android هى الى بتديلك الصلاحيات فى حدود المتاح استخدامه .. لكن .. ما وجه الاستخدام من استعمال الRoot ؟
اوجه استخدام الروت بوجه عام :-
- هتقدر تثنزل برامج و تطبيقات مكانش ينفع تتثبت الا بوجود صلاحيات الشركه مش بتخليها متاحه ليك
- هتقدر تغير فى الملفات الداخليه الخاصه بنظام التشغيل
- هتقدر تشيل برامج مش ليها استعمال و بتسحب من البطاريه كتير
- هتقدر تنزل اصدارات احدث لنظام التشغيل اندرويد قبل ميعادها من خلال رومات معدله
- هتقدر تحسن كفائه الموبايل من خلال تحسين اداء نظام التشغيل
- هتقدر تثبت ثيمات كتيره وبشكل متغير عن الشكل التقليدى المتاح ليك على الجهاز الخاص بيك
- هتقدر تعمل تعريب للموبايل لو مش متاح ليه انك تنزله اللغه العربيه …………….. الخ .
كل دى كانت نبذه مختصره عن فوائد الرووت
هنتكلم بتوسع اكثر عن الفوائد دى بشرح اكبر و اوضح
1- تعريب الهاتف الذى لا يحتوى على لغه عربيه
فى اغلب الدول الاوروبيه يكون نظام التشغيل اندرويد المتوفر لديهم ف الدوله يعتمد بنسبه كبيره جدا على اللغه الانجليزيه و يوجد به بعض العيوب .. حيث انه هناك بعض اللغات التى لا يدعمها مثل اللغات الافريقيه واللغه العربيه و هكذا .. و لذلك يمكنك الRoot من القضاء على هذه المشكله بحيث انه يعطيك صلاحيات لاضافه الملفات الخاصه باللغه العربيه فى نظام التشغيل الخاص بك لاستعمال اللغه العربيه عليه بكل سهوله ويسر .
2- عمل نسخه احتياطيه من الملفات الموجوده على الجهاز
معظم مستعملى الموبايلات و الاجهزه المحموله بيواجهوا مشكله فقد البيانات زى ان مثلا الصور القديمه او الفيديوهات القيمه بتتمسح من على الجوال او التابلت .. ومعظم برامج التشغيل مش بتقدر — ترجع الملفات لذلك تقدر دلوقتى تعمل عمليه حفظ للبيانات على اى ذاكره خارجيه بعد تثبيت برامج خاصه بنقل البيانات الاساسيه زى الالعاب و الاسماء و التطبيقات المتثبته على ذاكره الجهاز الداخليه الى الذاكره الخارجيه .
3- استخدام برامج وتطبيقات لا يمكن تشغيلها للمستخدم العادى
فى النقطه دى تحديدا هيكون مجال التوضيح اوسع بكتييييييييييير لان دى اهم فايده للروت بوجه العموم .. استخدام البرامج الى بتكون مليانه مميزات وموجوده على النت واستعمالها فعلا بيغير نظام التشغيل بالكامل من حيث الواجهه والخط والتشغيل و كل حاجه .. البرامج دى اشهرها الاتى :-
- برامج تغيير الخط الى بتحتاج لوجود الرووت فى الموبايلات الاندرويد كلها
- برامج تركيب الثيمات وتغيير شكل الجهاز و دى ممكن تحول شكل جهاز الاندرويد الى شكل انظمه التشغيل الحديثه الموجوده بالاندرويد او تغير شكل الجهاز الى شكل نظام التشغيل الخاص بأجهزه الIphone
- برامج الاختراق والهاكر بتحتاج كلها الى امكانيه الرووت لوصول للملقات الاساسيه الخاصه بنظام التشغيل و استخدام كل الامكانيات المتاحه الى الشركه بتكون مقيداها بحقوق المستخدم لكن الرووت بيتخطى كل الحواجز دى وبيأهلك انك تستعمل البرامج دى ك مبرمج بيقدر يتعمل مع الملفات دى بكل سهوله
- تنزيل الالعاب والتطبيقات المدفوعه من غير فلوس و ده عن طريق تنزيل المتاجر الامريكيه او المتاجر الى بتكون فيها التطبيقات دى مجانيه ومن غير اى فلوس
- حذف البرامج الاساسيه الى بتكون نازله مع نظام التشغيل الخاص بالجهاز وبتكون بتستهلك من البطاريه بشكل كبير زى البرامج الخاصه بالطقس و البرامج الخاصه بالSearch بتاع جوجل – فى ناس كتير مش بتستعملها وبتكون مهدره جدا للطاقه الموجوده فى البطاريه الخاصه بالجهاز
- برامج الحمايه الى بتحافظ على الملفات من المسح او العكس البرامج الى بتستخدم فى مسح الملفات عشان متقدرش ترجعها تانى
- البرامج الخاصه بأسترجاع الملفات المحذوفه الموجوده على الذاكره الداخليه ودى بتكون من اكتر المشاكل الى بتواجه مستخدمى الاندرويد لكن مع وجود الرووت هتقدر تنزل البرامج الى بتساعدك ف استرجاع الملفات دى من الذاكره الداخليه بقدره فائقه اكتر من 10 اضعاف البرامج الضعيفه الى من غير الرووت .
4- تنزيل التحديثات الخاصه بالموبايل قبل مواعيدها
فى الغالب الى بتكلم عنه ده بيكون Rom معدل او زى مابنقول بالعاميه روم مطبوخ .
الروم المطبوخ ده بيكون عباره عن سوفت او نظام تشغيل للموبايل معدل بالاصدار الحديث الموجود على الموبايلات الحديثه الى دايما بتكون اهم و احدث اصدارات الاندرويد من نصيبها .. طيب وبالنسبه للموبايلات القديمه .. الروم المطبوخ هو الحل المثالى للوصول لنفس الشكل والامكانيات و المميزات الموجوده فى نظم التشغيل الحديثه و ده طبعا هيتم بعد عمل الرووت فى جهاز الاندرويد الخاص بك .
و بعد ان ذكرنا كل المميزات الخاصه بعمليه الRoot .. سوف اتحدث عن العيوب الناتجه عن عمليه الروت بوجه عام .
عيوب الRoot الشائعه
تعد عمليه الRoot من اخطر العمليات التى تتسبب فى انهيار نظام التشغيل فى حاله عدم وجود الخبره عند تنفيذها او عند استعمال امكانيات موجوده فى البرامج التى تستخدم امكانيه الرووت لازاله الملفات الاساسيه الخاصه بنظام التشغيل .. وسوف نتحدث عن اشهر العيوب التى تنتج عن عمليه الRoot :-
1- الغاء الضمان الخاص بالجهاز
يعد فقدان الضمان من اكثر العيوب الناتجه عن عمليه الرووت حيث انها تؤدى الى عدم ظهور التحديثات على الهاتف الخاص بك بالاضافه الى ظهور العديد من العيوب اذا لم يكون ذو جوده عاليه فى نظام التشغيل المثبت بدلا منه عن طريق الروت ولكن يمكن التخلص من هذا العيب عن طريق عمل Unroot او ازاله الرووت من الهاتف وعندها سوف يستعيد الجهاز ضمانه الاصلى .
2- الغاء التحديثات الرسميه الخاصه بالشركه المنتجه للهاتف
فى حاله عمل الرووت يقوم بفقد البيانات الخاصه بالجوال من الشركه مثل الرقم المسلسل وهو الرقم المسئول عن تحديث اصدار التشغيل الخاص بالهاتف و بذلك لا تتوافر التحديثات الرسميه الخاصه بالشركه الا من خلال الهواتف التى لم يتم عمل الرووت بها او من خلال ازاله الرووت بطريقه صحيحه وامنه من الجهاز الخاص بك .
بغد ان عرفت مميزات و عيوب الروت قولنا هتعمل الروت ولا لاة .. واية الاسباب !
تعليقات
إرسال تعليق